Жалпы қателіктер

Өнеркәсіптік үлгіге патент беру туралы өтінішті толтыру кезінде туындайтын жалпы қателіктер:

1. Өтінім берушілер ДЗМҰ ST.3 стандарты бойынша елдің кодын көрсетпейді.

2. Егер өнеркәсіптік топ, яғни өнеркәсіптік үлгінің нұсқалары мәлімделсе, онда өтінім берушілер өтініштің 54-бағанында нұсқалардың санын көрсетпейді;

3. Өтінім берушінің тұрғылықты жері немесе орналасқан жері туралы деректер көрсетілмейді.

"Тауар таңбасын тіркеу", "Өнеркәсіптік меншік объектілеріне патент беру", "Селекциялық жетістікке патент беру", "Тауар шығарылған жердің атауын тіркеу" мемлекеттік қызметтерін көрсетуге өтініштер берген кезде өтінім берушілер жиі жіберетін қателіктер:

1. белгіленбеген нысандағы өтініш;

2. электрондық цифрлық қолтаңбамен куәландырылмаған өтініш;

3. басқа үлгі бойынша өтініш (мысалы, басқа өтінішхат);

4. өтінішке басқа адам қол қояды;

5. мемлекеттік қызмет көрсетуге өтініш патент беру туралы шешім шығарылғаннан бұрын жіберіледі, бұл ретте өтінім мәні бойынша сараптама кезеңінде болады;

6. өтініш қағаз тасығышта берілген кезде заңды тұлғаның қолы мен мөрі жоқ.