Казпатентте патенттік драфтинг сапасы мен ТИҚО желісін дамыту мәселелері бойынша онлайн дөңгелек үстел өтті

2025 жылғы 29 желтоқсанда «Ұлттық зияткерлік меншік институты» РМК (Казпатент) патенттік өтінімдерді сапалы дайындау – технологиялар трансферті мен инновацияларды коммерцияландырудың негізгі факторы тақырыбында онлайн дөңгелек үстел өткізді. Іс-шара гибридті форматта өтіп, оған Технологиялар мен инновацияларды қолдау орталықтары (ТИҚО) желісінің өкілдері, патенттік сенім білдірілген өкілдер, жоғары оқу орындары мен ғылыми ұйымдар қатысты.

Дөңгелек үстел аясында Дүниежүзілік зияткерлік меншік ұйымы (ДЗМҰ) ілгерілететін патенттік драфтингтің халықаралық тәсілдеріне, соның ішінде FICPI (International Federation of Intellectual Property Attorneys) ұйымымен бірлесіп жүзеге асырылатын WIPO International Patent Drafting Training Program 2026 бағдарламасына ерекше назар аударылды.

Аталған білім беру курстары, соның ішінде ТИҚО координаторлары мен мамандарының кәсіби құзыреттерін дамытуға, сондай-ақ инновацияларды қолдау орталықтарының қызметі аясында әзірленетін патенттік құжаттаманың сапасын арттыруға бағытталғаны атап өтілді. Қатысушылар бұл бағдарламалардың коммерциялық тұрғыдан бағдарланған өнертабыс формулаларын қалыптастырудағы, әзірлемелердің инвестициялық тартымдылығын арттырудағы және бизнес тарапынан патенттік құжаттамаға деген сенімді нығайтудағы практикалық маңызын талқылады.

Сонымен қатар, дөңгелек үстел барысында 2025 жылға арналған ұлттық ТИҚО желісінің қызметінің қорытындылары қарастырылды, оның ішінде:

• ТИҚО координаторларының құзыреттерін дамыту;
• халықаралық патенттік дерекқорлар мен аналитикалық құралдарды пайдалану;
• университеттерге, ғылыми ұйымдарға және шағын және орта бизнеске әзірлемелерді коммерцияландырудың бастапқы кезеңдерінде көрсетілген қолдау.

Талқылаудың жеке бөлімі 2026 жылға арналған ТИҚО желісін дамытудың басым бағыттарына арналды, соның ішінде:

• ТИҚО координаторларының ДЗМҰ білім беру бағдарламаларына қатысуын кеңейту;
• сапалы патенттік драфтинг практикасын тереңдету;
• технологиялар трансферті мен ғылыми зерттеулер нәтижелерін коммерцияландыру үдерістеріндегі ТИҚО рөлін күшейту.

Казпатент ТИҚО желісін дамыту мен патенттік драфтинг сапасын арттыру ұлттық инновациялық экожүйенің стратегиялық элементтері болып табылатынын, сондай-ақ қазақстандық әзірлемелерді халықаралық нарықтарға интеграциялауға және ДЗМҰ мен халықаралық кәсіби бірлестіктермен ынтымақтастықты нығайтуға бағытталғанын атап өтті.