WIPO Өңірлік конференциясы

РМК «Ұлттық зияткерлік меншік институты» ҚР ӘМ ЗМҚ-нің (Qazpatent), Жапония патенттік ведомствосы (JPO), Еуразиялық патенттік ведомствосы (ЕАПВ) және Қытайдың Ұлттық зияткерлік меншік басқармасы (CNIPA) өкілдерінің қатысуымен, Дүниежүзілік зияткерлік меншік ұйымының (WIPO) ұйымдастырумен қолдайтын халықаралық іс-шаралар сериясына қатысуға шақырады. Бұл іс-шаралар Қазақстан мен Орталық Азияда инновациялық экожүйені дамытуға және зияткерлік меншікті танымал етуге бағытталған іс-шараға шақырады.

Іс-шаралар инновация саласыдағы білімді тереңдетуге, әлемдік жетекші сарапшылардан тәжірибе алмасуға және стратегиялық әріптестік орнатуға мүмкіндік береді. Өзбекстан, Әзірбайжан, Тәжікстан, Түрікменстан, Қырғызстан, Беларусь өкілдері, сонымен қатар Қазақстанның жетекші жоғары оқу орындарының ректорлары мен ұлттық компаниялардың өкілдері қатысады. Бұл іс-шаралардың маңыздылығын, зияткерлік меншік пен инновациялық экожүйені дамытуға жоғары қызығушылықты көрсетеді.

Іс-шаралардың мақсаттары:

• Университеттердің коммерцияландыру кеңселері мен технопарктердінң әлеуетін арттыру;
• Дүниежүзілік зияткерлік меншік ұйымына (WIPO) мүшелері елдеріндегі олардың қызметін қолдау;
• Халықаралық ынтымақтастықа және озық тәжірибемен алмасуға ықпал ету.

Іс-шара бағдарламасы

Қатысушылар жетекші мамандардың баяндамаларын тыңдап, шеберлік сыныптарына және панельдік пікірталастарға қатыса алады. Сарапшылардың арасында:

• Майкл Мбогоро, WIPO Зияткерлік меншік және инновациялар экожүйелері секторының технологияларды беру бөлімінің басшысы;
• Ольга Спасич, WIPO технологияларды беру бойынша кеңесшісі;
• Фредерик Кайо, Франция Патенттік ведомствосының инновациялар жөніндегі бұрынғы бас директорының орынбасары, L’Oréal Paris компаниясының лицензиялау және бизнес дамытуды басқару бөлімінің бұрынғы директоры;
• Косукэ Като, Жапония, Осака университетінің Бірлескен білімді құру бюросының доценті.

Негізгі назар мына мәселелерге аударылады:

• Өнертапқыштық қызметті қолдауға арналған инновациялық құралдар;
• Технологияларды коммерцияландырудағы озық тәжірибелер;
• Инновациялық экономиканы нығайтудағы технопарктердің рөлі.

Өткізілу форматы және күндері

Іс-шаралар 2024 жылғы 3–6 желтоқсан аралығында Астана қаласы, Мәңгілік Ел көшесі, 57А мекенжайында орналасқан Qazpatent кеңсесінде өтеді. Онлайн қатысу мүмкіндігі қарастырылған.

1. WIPO-ның Технологиялар мен инновацияларды қолдау орталықтарын дамыту жөніндегі өңірлік кеңесі

• Өткізілу күндері: 2024 жылғы 3–4 желтоқсан
• Уақыты: 09:00–16:30
• Тақырыптар:
  • Технологияларды қолдау орталықтарын дамыту;
  • Патенттік іздеу және талдау үшін жаңа цифрлық платформалар.
• Ұйымдастырушылар: WIPO және Qazpatent, JPO қолдауымен.

2. WIPO және ЕАПВ технопарктер үшін өңірлік кеңесі

• Өткізілу күндері: 2024 жылғы 5–6 желтоқсан
• Уақыты: 09:00–17:30
• Тақырыптар:
  • Технологияларға инвестициялар тарту;
  • Зияткерлік меншікті коммерцияландыру стратегиялары.
• Ұйымдастырушылар: WIPO және ЕАПВ, Qazpatent қолдауымен.

Қатысудың артықшылықтары:

• Технопарктерді құру және дамыту бойынша практикалық білім алу;
• Өнертапқыштарға арналған заманауи цифрлық құралдармен танысу;
• Зияткерлік меншік қорғау саласындағы өзекті мәселелерді талқылау;
• Бірлескен жобалар үшін халықаралық байланыстар орнату мүмкіндігі.

Тіркелу және іс-шаралар бағдарламасымен толығырақ танысу үшін мына сілтемеге өтіңіз: https://qazpatent-tisc.kz/regional-conference-2024.

Іс-шаралар синхронды аудармамен және онлайн трансляциямен қамтамасыз етіледі.

ТИҚО-ның координаторларын, коммерцияландыру және ҒЗТКЖ (НИОКР) кеңселерінің өкілдерін, зияткерлік меншік мамандарын, ғалымдар мен өнертапқыштарды қатысуға шақырамыз. Еліміздің инновациялық экожүйесін бірге дамытайық!

Қосымша ақпарат алу үшін байланыс деректері:

Назифа Бактыбаева, Qazpatent патенттік зерттеулер және ЦПТИ координациясы бөлімінің бастығы: +7 701 917 91 85