Ұлттық зияткерлік меншік институты
Qazpatent филиалы Халықаралық зияткерлік меншік күні қарсаңында зияткерлік меншік саласындағы білімді дәріптеу мақсатында Алматы қаласының жоғары сынып оқушылары мен колледж студенттері арасында ағарту іс-шараларын өткізді.
2025 жылдың 25 сәуірінде Qazpatent филиалының қызметкерлері Ы.Алтынсарин атындағы № 159 гимназияның жоғары сынып оқушыларына, Орталық Азия техникалық экономикалық колледжінің (ОАЭК) және инновациялық техникалық колледжінің студенттеріне, сондай-ақ Алматы қаласы Оқушылар сарайының жобалау топтарының қатысушыларына ашық сабақтар өткізді.
Сабақтар зияткерлік меншік негіздеріне арналып, робототехника мен отандық өнертабыстар саласынан қызықты мысалдар келтірілді. Бұл формат техникалық шығармашылыққа және инновациялық әзірлемелерге қызығушылық танытатын оқушылар үшін ерекше мәнге ие болды.
Мұндай іс-шаралар оқушылар арасында зияткерлік меншік саласында құқықтық сауаттылықты қалыптастыруға бағытталған.
