Ұлттық зияткерлік меншік институты
Құрметті өтінім берушілер, ДЗМҰ Ғаламдық марапаттар бағдарламасына қатысуға өтінімдер 2025 жылғы 15 қаңтардан бастап 31 наурызға дейін қабылданатынын қуанышпен хабарлаймыз.
ДЗМҰ Ғаламдық марапаттар бағдарламасы экономикалық өсуді ынталандыру және әлеуметтік әсерге қол жеткізу мақсатында зияткерлік меншікті (ЗМ) пайдаланатын үздік стартаптарды, шағын және орта бизнес субъектілерін, сондай-ақ университеттер жанындағы инновациялық компанияларды марапаттайды.
2024 жылғы жеңімпаздар 100-ден астам елден келген 700-ге жуық қатысушының ішінен таңдалып, әртүрлі революциялық инновацияларды таныстырады. Олардың қатарына Кениядағы агротехнологиялық әзірлемелер, Аргентина, Тайланд және Кувейттегі денсаулық сақтау саласындағы серпінді шешімдер, сондай-ақ Швейцариядағы кванттық зондтау технологиялары кіреді. Келесі лауреаттар сіздердің жаңашылдарыңыз болуы мүмкін.
Кімдер өтінім бере алады?
ДЗМҰ барлық салалардағы (технологиялар, мода, денсаулық сақтау, ауыл шаруашылығы, дизайн және т.б.) компанияларды қатысуға шақырады, олар кез келген зияткерлік меншік түрін (авторлық құқық, тауар белгілері, патенттер және географиялық нұсқамалар) пайдаланып, табысқа жетіп, адамдардың өміріне әсер етуге ықпал етеді.
Өтінімдер ағылшын, араб, испан, қытай, орыс және француз тілдерінде қабылданады.
Жеңімпаздардаа қандай артықшылықтар күтіп тұр?
Жаһандық тану: 2025 жылдың шілдесінде өтетін Женевадағы ДЗМҰ Ассамблеясының марапаттау рәсіміне шақырту.
Жеке тәлімгерлік: зияткерлік меншік стратегияларын жақсарту, жаңа коммерциялық мақсаттарға жету және қаржыландыруға қол жеткізу бойынша жеке кеңестер. Бұл тек марапат емес — ДЗМҰ жаңашылдарға жаңа биіктерге жету мүмкіндігін беруді қалайды.
Қазылар алқасының арнайы аталымы: биылғы жылы ДЗМҰ "Үздік әйел кәсіпкер" және "Үздік жас кәсіпкер" номинацияларының жеңімпаздарын атап өтеді.
Толығырақ ақпарат алу және өтінім беру процесімен танысу үшін мына сілтеме бойынша өтіңіз: https://www.wipo.int/global-awards/ru/how-to-apply.html
