Ұлттық зияткерлік меншік институты
Зияткерлік меншік құқығын жаһандық және өңірлік ауқымда біріздендіру жағдайында екіжақты шарттар ерекше рөл атқарады. Олар зияткерлік меншік құқықтарын күзету мен қорғау мәселелерін тиімді шеше отырып, құқық қолдану практикасының маңызды құралы болып табылады. Өйткені қатысушы мемлекеттердің ұлттық мүдделері мен басымдықтарын толық ескеруге, сондай-ақ олардың уәкілетті органдары мен институттарының өзара іс-қимылының оңайлатылған және мобильді тәртібін жолға қоюға мүмкіндік береді. Осыған байланысты екіжақты шарттардың базасын әріптестер бойынша да, ынтымақтастық бағыттары бойынша да кеңейту орынды.
Қазақстан Республикасының Үкіметі төмендегідей екіжақты халықаралық келісімдер жасады:
- Ресей Федерациясының Үкіметі мен Қазақстан Республикасының Үкіметі арасындағы өнеркәсіптік меншікті құқығын қорғау саласындағы ынтымақтастық туралы (Мәскеу, 1994 жылғы 28 наурыз);
- Қазақстан Республикасының Үкiметi мен Өзбекстан Республикасының Үкiметi арасындағы өнеркәсіптік меншікті қорғау саласындағы ынтымақтастық туралы (Алматы, 1997 жылғы 2 маусым), Қазақстан Республикасы Үкіметінің 2014 жылғы 8 шілдедегі №781 Қаулысымен бекітілген өзгеріс енгізілді;
- Қазақстан Республикасының Үкіметі мен Грузия Үкіметі арасындағы өнеркәсіптік меншікті қорғау саласындағы ынтымақтастық туралы (Алматы, 1997 жылғы 11 қараша) Қазақстан Республикасы Үкіметінің 2014 жылғы 11 мамырдағы №468 Қаулысына бекітілген хаттамамен өзгеріс енгізілді;
- Қазақстан Республикасының Үкіметі мен Әзірбайжан Республикасының Үкіметі арасындағы Өнеркәсіптік меншікті қорғау саласындағы ынтымақтастық туралы (Баку, 1998 жылғы 23 қазан). Қазақстан Республикасының Үкіметі мен Әзірбайжан Республикасының Үкіметі арасындағы Өнеркәсіптік меншікті қорғау саласындағы ынтымақтастық туралы (Баку, 1998 жылғы 23 қазан), Қазақстан Республикасы Үкіметінің 2014 жылғы 29 қыркүйектегі № 1037 және 2015 жылғы 19 қарашадағы № 923 Қаулыларына бекітілген хаттамамен енгізілген өзгерістерімен;
- Қазақстан Республикасының Үкіметі мен Әзірбайжан Республикасының Үкіметі арасындағы авторлық құқық және пен сабақтас құқықтарды саласындағы ынтымақтастық туралы (Астана, 1999 жылғы, 22 қазан);
- Қазақстан Республикасының Үкiметi мен Ресей Федерациясының Үкiметi арасында Екiжақты әскери-техникалық ынтымақтастық барысында пайдаланылатын және алынған зияткерлiк қызметтiң нәтижелерiне құқықтарды өзара қорғау туралы. (Мәскеу, 2005 жылғы, 18 қаңтар);
- . Қазақстан Республикасының Үкіметі мен Өзбекстан Республикасының Үкіметі арасындағы Зияткерлік меншік құқықтарын қорғау саласындағы ынтымақтастық туралы (Ташкент, 2006 жылғы 20 наурыз);
- Қазақстан Республикасының Үкіметі мен Әзірбайжан Республикасының Үкіметі арасындағы авторлық және сабақтас құқықтар саласындағы ынтымақтастық туралы (Баку, 2017 жылғы 3 сәуір).
