Ұлттық зияткерлік меншік институты
2025 жылғы 28 мамырда Алматыда Qazpatent филиалының Оқу орталығы ұйымдастырған "Тиімді патенттік іздеу және зерттеу" тақырыбында семинар өтті. Іс-шара зияткерлік меншік саласындағы мамандарды, инженерлерді, ғылыми қызметкерлерді, сондай-ақ шағын және орта бизнес өкілдерін біріктірді.
Семинарды Qazpatent филиалының директоры Орынбекова Зaуре алғы сөзімен ашты. Ол өз сөзінде патенттік жүйе технологиялық шешімдерді қорғауды қамтамасыз ететін және инновациялық дамуды ынталандыратын заманауи экономиканың ажырамас элементі болып табылатынын атап өтті. Озық техникалық шешімдерді анықтауға және отандық әзірлемелердің бәсекеге қабілеттілігін арттыруға мүмкіндік беретін жаңалықты бағалаудың негізгі құралы ретінде патенттік зерттеулердің рөліне ерекше назар аударды.
Іс-шара шеңберінде патенттік құқық объектілерін құқықтық қорғаудың және патенттік құжаттама құрылымының негізгі аспектілері қаралды. Қатысушыларға ұлттық және халықаралық дерекқорларды пайдалана отырып, патенттік іздеудің заманауи әдістері мен құралдары көрсетілді.
Шақырылған лектордың дәрісі қатысушылардың жеке қызығушылығын тудырды. "Жану проблемалары институты" РМК-ның өкілі зерттеулер техника деңгейіне, патенттік талдау және патенттік ландшафтық талдау түрлерін қоса алғанда патенттік зерттеулер туралы айтты. Қатысушылар іздеу нәтижелерін қалай қолдану керектігін және өтінімді дайындау кезінде қандай сұрақтарға мен беру керектігін білді.
Семинардың практикалық бөлігі қатысушыларға теориялық білім беріп қана қоймай, оларды нақты жағдайлардағы патенттік іздеу мысалдарын зерделеу арқылы іс жүзінде бекітуге мүмкіндік берді. Көптеген қатысушылар техникалық шешімдерді іздеу кезінде жіктемелер және сүзгі дағдыларының құндылығын атап өтті.
Іс-шара сұрақтар мен жауаптар сессиясымен аяқталды, оның барысында сарапшылар егжей-тегжейлі түсініктемелер беріп, патенттік зерттеулерді ұйымдастыру бойынша ұсыныстармен бөлісті. Семинар қорытындысы бойынша қатысушыларға сертификаттар табысталды.
Qazpatent филиалы спикерлер мен қатысушыларға белсенді қызығушылық пен сындарлы диалог үшін алғыс білдіреді. Мұндай іс-шараларды өткізу құқықтық сауаттылықты арттыруға және еліміздің инновациялық әлеуетін дамытуға ықпал етеді.
