National Institute of Intellectual Property
2022 жылдың 30 қарашасында Казпатент өкілдері Астана қаласындағы № 79 мектеп-гимназиясының 8-10 сынып оқушыларына арналған жас өнертапқыштың бесінші мектебін өткізді.
Оқушылар алдында зияткерлік меншік құқығы орталығының (IPR Center) басшысы Алтын Сапарғали және даму және халықаралық ынтымақтастық басқармасының басшысы Инкара Шертышева сөз сөйледі.
Казпатент өкілдері оқушыларға зияткерлік меншік ұғымы мен маңыздылығы, ұлы өнертабыстар, Казпатент өткізетін конкурстар, сондай-ақ осы саладағы қазіргі жастардың жетістіктері туралы айтып берді. Оқушылар зияткерлік меншік деген не, патенттеу не үшін қажет және әрекетсіздік не әкелуі мүмкін екенін білді. Іс-шара барысында жас өнертапқыштар үшін материалдар таныстырылып, викторина өткізілді. Оқушылар белсенділік танытып, көптеген сұрақтар қойды.
Сонымен қатар, іс-шара аясында оқушылар арасындағы республикалық онлайн-байқаудың жеңімпаздарына «Болашақ сенің қолыңда: ойлап тап және жасампаз бол – 2022» үздік эссесіне дипломдар мен естелік сыйлықтар табыс етілді:
Астана қ. № 79 мектеп-лицейінің оқушысы Рахимова Назеркеге 1 орын үшін;
Астана қ. №5 мектеп-гимназиясының оқушысы Идрисова Дайанаға 3 орын үшін.
№ 79 мектеп-лицейінің тағы бір оқушысы Әзімхан Айтолқынға байқауға қатысқаны үшін алғыс хат пен естелік сыйлық табыс етілді.
Естеріңізге сала кетейік, конкурстық комиссия бірауыздан таңдалған тақырыпты, оның ішінде Әзімхан Айтолқынды ашуға шығармашылық көзқарасы үшін 10 қатысушыны алғыс хаттармен көтермелеу туралы шешім қабылдады.
Айта кетейік, эссе байқауында 2 орынды Қызылорда қ. химия-биологиялық бағыттағы Назарбаев Зияткерлік мектебінің оқушылары Ғазиза Аушенова мен Арайлым Аширмет иеленді, оқушыларды марапаттау рәсімі Қызылорда облысының Әділет департаментінде өтеді.
Жеңімпаздарды, сондай-ақ балаларды лайықты дайындаған педагогтарды құттықтаймыз!
