2019 жылдың 26,27,28 маусым күндері филиалдың Оқу орталығы оқыту семинарын өткізеді

2019 жылдың 26, 27, 28 маусым күндері Қазақстан Республикасы Әділет министрлігінің «Ұлттық зияткерлік меншік институты» филиалында «Зияткерлік меншік объектілерін қорғау және пайдалану, құқықтық қорғау» тақырыбында оқыту семинары өтеді.

Аталған семинар мүдделі тұлғалардың өтініші бойынша халықтың зияткерлік меншік объектілерін құқықтық қорғау және қорғау маңызы туралы хабардар болу деңгейін арттыру мақсатында жүргізіледі.

Семинар барысында зияткерлік меншік объектілерін құқықтық қорғау бойынша сұрақтар талқыланды:

• ҚР Өнертабыс пен пайдалы модельді құқықтық қорғау;
• Шетелде патенттеу;
• Селекциялық жетістікті құқықтық қорғау;
• Өнеркәсіптік үлгілерді құқықтық қорғау;
• Өнеркәсіптік үлгілер бойынша сот тәжірибесі. Тіркелген өнеркәсіптік үлгілер бойынша сот даулары бойынша мысалдар;
• Тауар таңбасы ұғымы, тауар таңбалары саласындағы заңнама нормалары;
• Белгілер бойынша ұқсастыққа және араласып кету деңгейіне дейінгі ұқсастыққа салыстырмалы талдау жүргізу;
• Авторлық құқық;
• Зияткерлік меншік объектілеріне құқықтарды беру және ұсыну;
• Зияткерлік меншік объектілеріне электронды өтінім беру.

Семинардың басталу уақыты: 2019 жыл 26,27,28 маусым, сағат 10.30-да.

Семинар ақылы түрде өтеді және ол бойынша сертификат беріледі.

Семинарға қатысу құны бір адамға 16 485 теңгені құрайды.

Қызығушылық танытқан барлық тұлғаларды семинарға шақырамыз!

Семинар өтетін жер: Алматы қ., Ришат және Мүслім Абдуллиндер к-сі 6/1 (Жібек жолы көш. бұрышы).

Семинарға қатысты сұрақтар бойынша «ҰЗМИ» филиалының Оқу орталығына 8(727) 344-30-00 және 344-30-15 телефондары бойынша немесе edu.center@kazpatent.kz электронды поштасына хабарласуға болады.