Оқушылар арасында «Болашақ сенің қолыңда: ойлап тап және жаса» үздік эссе байқауының қорытындысы

2022 жылдың 2 қыркүйегінде басталған «Болашақ сенің қолыңда: ойлап тап және жаса» атты үздік эссеге оқушылар арасында жыл сайынғы республикалық байқаудың қорытындысы шығарылды.

Байқаудың мақсаты-оқушылар арасында шығармашылық белсенділікті ынталандыру, зияткерлік меншік саласындағы білімді насихаттау және тарату, өскелең ұрпаққа патенттік мәдениет негіздерін үйрету.

Байқауға 8-11 сынып оқушылары қатысты. Республиканың түкпір-түкпірінен конкурсқа мемлекеттік, орыс және ағылшын тілдерінде 350-ден астам эссе келіп түсті. Комиссия тек 13 жұмысты таңдады.

Конкурс жеңімпаздары конкурстық жұмыстар сапасының мынадай критерийлеріне сүйене отырып айқындалады:

- конкурстың мақсаттары мен міндеттеріне сәйкестігі;

- материалды ұсынудың бірегейлігі;

- автор ұстанымының бірегейлігі;

- таңдалған тақырыпты ашу тереңдігі.

Жұмысты тексеру барысында комиссия плагиатты анықтауға көп уақыт жұмсады. Мұқият тексеру нәтижесінде жүлделі орындарға ие болды:

1 орын – «Астана қ. № 79 мектеп-лицейі» ШЖҚ МКК оқушысы Рахимова Назерке Бериковна орыс тілінде жазғаны үшін;

2 орын – Қызылорда қ. ХБН НЗМ оқушылары Аушенова Ғазиза Нұрахметқызы қазақ тілінде жазғаны үшін және Аширмет Арайлым Анарбекқызы орыс тілінде жазғаны үшін;

3 орын – Астана қ. №5 мектеп-гимназиясының оқушысы Идрисова Диана Айбековна ағылшын тілінде жазғаны үшін.

Конкурсты ұйымдастырушылар педагогтардың жоғары кәсібилігі мен шығармашылық еңбегінің арқасында оқушылар өздерінің шығармашылық қабілеттерін, ойларын құрылымдау және сауатты баяндау дағдыларын дамыта алатынына сенімді.

Жеңімпаздарды, сондай-ақ балаларды лайықты дайындаған педагогтарды құттықтаймыз!

Жеңімпаздар дипломдармен және естелік сыйлықтармен марапатталады.

Сонымен қатар, конкурстық комиссия 10 қатысушыны таңдаған тақырыпты ашуға шығармашылық көзқарасы үшін алғыс хаттармен көтермелеу туралы бірауыздан шешім қабылдады.

Комиссия шешімі мен жеңімпаздардың жұмыстары конкурс алаңында жарияланды https://shapagat.kazpatent.kz/kk/content/okushylar-arasynda-bolashak-senin-kolynda-oylan-tap-ta-zhasampaz-bol-konkursy